Air Astana-да – алтыншы Airbus A321LR

Фото: Елена Сергиенко

Биыл 90 жылдығын атап өтетін Нұр-Сұлтан қаласындағы халықаралық әуежайына бүгін Гамбург қаласындағы Airbus ұшақ зауытынан су жаңа ұзақ магистралды Airbus A321LR ұшағы келіп қонды.

Pratt & Whitney PW1133G қозғалтқыштарымен жұмыс істейтін ұшақ Air Lease Corporation жалға берушіден алынған осы типтегі 6 -шы ұшақ болып табылады. Жыл соңына дейін тағы бір A321 LR ұшағы келуі тиіс. Бірінші Airbus A321 LR 2019 жылдың қыркүйегінде келді.

A321LR-бұл ұшудың максималды салмағы мен оңтайландырылған фюзеляж конструкциясы бар A321neo-ның ұзақ магистралды нұсқасы. Әуе кемесі іші екі класқа бөлінеді: бизнес-класта 16 және эконом-класта 150 кресло, әрбір кресло дербес экранмен жабдықталған.

Қазіргі уақытта Air Astana ұшақтарының орташа жасы 3 жыл, бұл әлемдегі ең жас парктердің бірі.

Air Astana-ның флотында Airbus А321 / А320 NEO үлгідегі 17 ұшағы бар. Air Astana компаниялар тобының паркі барлығы 35 ұшақ, оның ішінде үш Boeing 767, бес E190-E2 ұшағы және он A320 FlyArystan ұшағы.

A321LR ұшағы Подгорица, Дубай, Франкфурт, Лондон, Ыстамбұл, Шарм-эль-Шейх бағыттарын қоса алғанда әуе компанияның барлық маршруттық желісі бойынша рейстер орындайды.