Ақтау теңіз сауда портында төтенше жағдаймен күрес бойынша ауқымды жаттығу өтті

Жергілікті атқарушы және мемлекеттік органдардың өкілдерімен қатар, Қордың еңбекті қорғау және өндірістік қауіпсіздік секторының басшысы Ербол Елекеев байқаушылар ретінде қатысты.

«Осы оқу жаттығулары теңізде туындайтын төтенше жағдайларға жедел жұмылдырылатын тараптардың дайындықтары мен іс-қимылдарының үйлестірілуін арттыруға бағытталған. Мұндай іс-шаралар жұмысшылардың қауіпсіздігін және қоршаған ортаны қорғауды қамтамасыз етуде, сондай-ақ жедел әрекет ету және оқыс оқиғалардың салдарын жоюда шешуші рөл атқарады» - атап өтті Ербол Елекеев.

Жаттығу барысында теңіз барлау тобының, порт флотының, мұнайдың төгілуін жою, мұнайдың төгілуін оқшаулау және жою бойынша мемлекеттік емес өртке қарсы қызметтің, «Алматы» ҚТКФ танкеріндегі өртті сөндіру, борт сыртындағы адамды құтқару, алғашқы медициналық көмек көрсету секілді мамандандырылған топтың іс-қимылдары пысықталды.

Жалпы, барлық жұмылдырылған тараптар өз міндеттерін ойдағыдай орындап шықты, сондай-ақ төтенше жағдайлар кезінде жедел әрекет етудегі жоғары білімдері мен кәсіби іскерліктерін көрсетті.