Главная Новости Алматы 2-ЖЭО газдандырылады. Бұл қала экологиясын қалай жақсартады?
Компания тынысы21 қазан 2020, 12:39 190

Алматы 2-ЖЭО газдандырылады. Бұл қала экологиясын қалай жақсартады?

Алматы 2-ЖЭО газдандырылады. Бұл қала экологиясын қалай жақсартады?

Алматы шаһарының экологиясын жақсартуға соны бір қадам жасалды. Көптен бері талқыланып келе жатқан Алматыдағы 2-жылу-электр орталығын жаңғырту мәселесі оңынан шешіліп, ол көмір отынының орнына газды пайдаланатын болды. Жоба 2025 жылдың соңына дейін аяқталады.​

«Көптен күткен Алматыдағы 2-ЖЭО-н газдандыру туралы шешім қабылданды. Қолданыстағы қазандық агрегаттарын қайта құру арқылы қоршаған ортаға күкірт тотығы мен күлдің бөлінуіне жол берілмейді. Ауаға бөлінетін азот тотығы мен көмірқышқыл газының мөлшері де едәуір азаяды. Жоспар бойынша жоба 2025 жылдың соңына дейін аяқталады», - деп жазды өзінің Instagram-аккаунтында Алматы әкімі Бақытжан Сағынтаев.

Біз кеше ел Үкіметі осындай маңызды шешім қабылдағанын жазған едік. Жалпы, талқыға Алматы 2-ЖЭО-н жаңғыртудың төрт жобасы ұсынылған болатын. Олар:

  • газға көшіре отырып, қазандықтарды жаңғырту;
  • газ тазарту жабдығын орната отырып, жұмыс істеп тұрған қазандықтарды қайта құру;
  • 2-ЖЭО-н кеңейту;
  • газбен жұмыс істейтін жаңа станция салу.

Әрбір жобаның өз ерекшеліктері болды. Соған сай жобалардың құны да әркелкі болатын. Станция кәсіпорнының акционері - "Самұрық-Энерго" АҚ бұған дейін оңтайлы, экологиялық таза және техникалық тұрғыдан іске асыруға болатын №1 нұсқаны таңдаған болатын. Бұл шешімге компания энергетик, эколог, экономист мамандар және қоғам өкілдерімен де мәселені талқылап, олардың пікірлерін ескере отырып келген.

Бұл жобаның артықшылығы қандай?

Ең негізгі артықшылық – экологиялық тиімділігі. Өйткені, жоба жүзеге асқанда ол Алматының атмосферасын көмір күлінің, күкірт диоксидінің және күлдің шығарындыларынан толық арылтады. Азот пен көміртегі қышқылын шығару азайып, парник газдар шығару үлесі азаяды. Мамандардың есебінше, атмосфераға бөлінетін ластаушы заттар көлемі 80%-ға қысқарады.

Күл үйіндісіКүл үйіндісі

Сондай-ақ, бұл жоба күл үйінділері мәселесін де шешеді. Бүгінде станцияның күл үйінділері 200 гектар аумақты алып жатыр. Ал жоба жүзеге асқан жағдайда олардың қажеттілігі қалмай, бұл жерді қаланың өзге мұқтаждықтарына пайдалануға мүмкіндік туады.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: