Алматы 2-ЖЭО жаңғырту жобасын қаржыландыру туралы құжатқа қол қойылады

2022 жылғы 25 қарашада Алматы 2-ЖЭО жаңғырту жобасын қаржыландыру және орталықты газға көшіру туралы құжатқа қол қойылады. 130 млрд сомасындағы Кредиттік келісім станция иесі «Алматы электр станциялары» АҚ мен Еуропа Қайта құру және Даму банкі арасында жасалмақ. Бұған қоса, АлЭС Қазақстанның Даму Банкімен Жобаны қаржыландыруды ұсыну жөніндегі ниеттер туралы келісімге қол қоятын болады.

Жобаны қаржыландыру көздеріне қатысты мәселелер осы басқосуда шешілетін болады. 

Құжаттарға қол қою жөніндегі іс-шара ЕҚДБ, ҚДБ, «Самұрық-Энерго» АҚ, «АлЭС» АҚ, Алматы қаласы әкімдігі өкілдерінің қатысуымен өтеді.

2022 жылдың 27 қазанынан бастап ЕҚДБ ережелеріне сәйкес өткізілетін екі сатылы халықаралық ашық тендердің басталғаны жарияланған болатын. Бірінші кезең шеңберінде әлеуетті мердігерлерден Алматы 2-ЖЭО алаңында  жабдықтарды жеткізуге, жаңа газ станциясын жобалауға және құрылысын жүргізуге қатысты өтінімдерді қабылдау 2022 жылғы 15 желтоқсанға дейін жалғасады.