Алматы коронавирустың таралуы бойынша «сары» аймаққа өтті

Алматы коронавирустың таралуы бойынша эпидемиологиялық жағдайдың асқынуына байланысты "сары" аймаққа өтті, деп хабарлады Санитарлық-эпидемиологиялық комитеттің ресми өкілі Ержан Байтанаев.

Бұған дейін коронавирус инфекциясының таралуын болдырмау жөніндегі ведомствоаралық комиссия қазақстанда эпидемиологиялық жағдай нашарлаған кезде қолға алынатын шаралар туралы айтқан болатын. Оған сәйкес: 

• науқаспен байланыста болған адамдар қашықтан жұмыс істеуге көшіріледі;
• коронавирусқа қарсы екпе алуға қарсы көрсетілімдері бар адамдар және жүкті әйелдер қашықтан жұмыс істеуге көшіріледі;
• жабық мекемелер мен қоғамдық көліктерде маска тағу міндеттеледі;
• 10 және одан көп адам қатысатын жиындар онлайн форматта өткізіледі.