Алматыда еңбек ұжымдарындағы коммуникацияларға арналған форум өтуде

Форумға «Самұрық-Қазына» қорының басшылығы, еншілес компания өкілдері, кәсіподақ жетекшілері, омбудсмендер мен сатып алушылардан тұратын 120-дан астам адам қатысты. Іс-шара барысында қызметкердің ұжымда өзін кәсіби тұрғыда дұрыс ұстау принциптері талқыланды.

Жиынның тағы бір бөлімі Қордың сатып алу қызметіне арналды. Қатысушыларға «Самұрық-Қазына» қорының тауар және қызмет сапасын қамтамасыз етуге бағытталған шаралары таныстырылды. Одан бөлек, басқосуда skstore.kz электрондық дүкені арқылы сатып алу қарқыны артқаны айтылды. Ол арқылы нақты марка мен үлгідегі тауарды 1 күн ішінде сатып алуға болады.

Қор, сондай-ақ сатып алудың шекті сомасын 5 есеге – 15-тен 79 млн теңгеге дейін арттырды. Осылайша, Тапсырыс берушінің қалауымен, тендер немесе бағаға қатысты ұсыныстарды саудасыз төмендету мүмкіндігі қарастырылған. Сол сияқты, тендерлерде төмендетусіз демпинг шектері және т.б. белгіленген. Бұған қоса жиында отандық өндірушілерді қолдауға бағытталған 15 негізгі шара қаралды.