Алты ауылда мәдениет үйі мен кітапхана интернетке қосылды

«Ауданның 80 жылдығына орай жеке энциклопедия құрылып, кітапханамыз оны әзірлеуге белсене қатысты. Ақпарат іздеу жөнінде орасан зор жұмыс жүргізілді, интернетсіз, біз оны жүзеге асыра алмас едік», – дейді Шідерті ауылының кітапханашысы Валентина Герасименя.

Сарыөзек ауылының тұрғыны, 18 жылдан бері жергілікті мәдениет үйінде жұмыс істейтін Аячулпан Зулхайн да жылдам интернет желісіне қосылғанына өте қуанышты: «Әртістердің өнерін камераға жазып алып, әрі қарай біздің әлеуметтік парақшаларымызға орналастырамыз, ал оларды бүкіл Қазақстан көреді және қызығушылық танытқан адамдар біздің таланттарымызды өздерінің іс-шаралары мен фестивальдеріне шақыра алады. Интернеттің мәдениет қайраткерлеріне жаңа мүмкіндіктер беріп, туған ауылында ғана емес, бүкіл республика бойынша танымал болуы өте керемет».

Қазір «Қазақтелеком» – «Кселл» және «Теле2» компаниялар тобына кіретін ұялы операторлар ауылдық елді мекендерді кең жолақты мобильді интернетпен және байланыспен қамтамасыз ету үшін басқа «250+» жобасы шеңберінде салынған «оптикаға» өздерінің базалық станцияларын қосуда. Жалпы, базалық станциялар желісімен халқы 600 мың адамды құрайтын республиканың 928 ауылы қамтылатын болады.

«4G LTE технологиясы арқылы сымсыз интернет шалғай ауылдардың мекемелерінде пайда болды. Қазіргі жағдайда жоғары жылдамдықты интернетке қолжетімділік халықтың өмір сүру сапасын жақсартудың, басты проблеманы шешудің – қала мен ауыл арасындағы цифрлық теңсіздікті жоюдың міндетті шарттарының бірі болып табылады», – деп атап өтті «Қазақтелеком» АҚ филиалы – Орталық ӨТД бас директоры Қажымұрат Темірханов.

«Қазақтелеком» жыл соңына дейін Осакаров ауданының алты ауылына қосымша: Трудовое, Шідерті, Степное, Звездное, Сарыөзек, Мирное ауылдары және Қарағанды облысының Қарқаралы ауданында SkyEdge технологиясы бойынша 20-ға жуық кітапхана мен мәдениет үйін кең жолақты интернетпен қамтамасыз етуді жоспарлап отыр.