Алтыналмас «Ақсу» алтын фабрикасын іске қосты

Жаңа жобаның операторы «Ақсу Technology» ЖШС болып табылады, фабриканы жобалау және салу жұмыстарын Алтыналмастың еншілес кәсіпорындары болып табылатын «AIIngineering Group» ЖШС жүзеге асырды.

Жаңа алтын өндіретін фабриканың құрылысы мен іске қосылуы бизнесті орнықты дамыту жөніндегі бастамалар аясында жүргізілді. «Ақсу» жобасы АШФ, қалдық қоймасын, 600 адамға арналған вахталық кентті, жаңа тоған-жинақтағышқа су тартқышты, сондай-ақ 110 кВ жаңа шағын станция мен электр беру желісін салуды қамтиды. Бұл жобаны іске асыру Ақсу алаңының тіршілігін ұзартуға мүмкіндік береді. Көпжылдық өңдеу нәтижесінде Ақсу кенішінің № 38-40 шахталарының қоры таусылды, бұл кенішті жабуға және 256 адамды босатуға әкелді. Қорлары жер асты тәсілімен өңдеуге жарамды кенішті ашық тау-кен жұмыстары арқылы өндіру тәсіліне ауыстыру арқылы 787 жұмыс орны ашылды. № 38-40 шахталардың 190-нан астам жұмысшысы қайта даярлаудан өтіп, Алтыналмаста табысты жұмысқа орналастырылды.

Ақсу АШФ кен орнының өнімділігі бастапқы кен бойынша жылына 5 миллион тонна кенді құрайды және Қазақстан Республикасының алтын шығаратын ең ірі және озық фабрикаларының біріне айналады.

Жаңа АШФ кенді қайта өңдеу процесі үш кезеңді ұсақтаудан, екі кезеңді майдалаудан, гравитациялық байытудан, кейіннен гравитациялық концентратты қарқынды шаймалаудан, сорбциялық шаймалаудан, бөлінген Ағылшын-Америка зертханасының әдісі бойынша десорбциядан және алтынды кейіннен Доре алтын-күміс қорытпасына балқыта отырып, электролиздеп алудан тұрады.

Жаңа АШФ технологиялық процесінің толық циклі «SCADA» автоматтандырылған басқару жүйесімен басқарылады және бақыланады, ол 2020 жылы іске қосылған Қарағанды облысындағы «Пустынное» жобасының «Долинное» алтын шығару фабрикасында сәтті пайдаланылады.

Айта кету керек, 2020 жылы «AAEngineering Group» ЖШС Bentley Systems «Year in Infrastructure 2020» халықаралық байқауында «Тау-кен өнеркәсібі және теңіз кен орындарын игеру» номинациясы бойынша Ақсу кентіндегі алтын өндіретін фабриканың цифрлық егізі: тұжырымдамадан бастап іске қосуға дейін» жобасы үшін жеңімпаз атанған болатын. «Ақсу» АШФ соңғы 10 жылда «Алтыналмас АК» АҚ салған және пайдалануға берген бесінші фабрика болды.