Amanat өкілдері мұнайшыларға сайлаудың маңызын түсіндірді

«Аманат партиясы» Маңғыстау облыстық филиалының атқарушы хатшысы Нұрбек Қарасаев, Маңғыстау облысының мәслихат депутаты, «Ұлттық рух» қоғамдық қорының төрағасы Аят Сүгірбай, Ақтау қалалық маслихат депутаттары Уайс Ерсайынұлы, Асылбек Жолдыбаев, Киікбай Ешманов бастаған штаб мүшелері ҚР Президенттігіне кандидат Қасым-Жомарт Тоқаевтың бағдарламасын жан-жақты түсіндіріп, қарашада өтетін саяси науқанға қатысудың маңыздылығына кеңірек тоқталды.

Қазіргі таңда халықтың тұрмысын жақсарту, елдігімізді нығайту мақсаты алғы кезеккке шықты. Ел болашағын айқындайтын сайлауға азаматтардың өз құқықтарын пайдалана отырып, дауыс беруіне бар жағдай жасалған. Осы тұрғыда Аманаттықтардың да Әділетті Қазақстанды бірге құру туралы ойлары аталған жиында ашық айтылды.

Жиын соңында ел экономикасына елеулі үлес қосып отырған мұнайшылар алдағы сайлаудан қалыс қалмайтындықтарын жеткізді.