25 қаңтар 2024, 16:02 951

АМӨЗ-дің технологиялық құбырларына ультрадыбыстық датчиктер орнатылды

Атырау мұнай өңдеу зауытында техникалық құрылғылар мен жабдықтардың коррозиялық зақымдарын басқару және бақылау жүйесін дамыту мен жетілдіру бойынша іс-шаралар жалғасуда.

Коррозия процесін бақылауды онлайн режимде жүзеге асыру үшін ЭЛОУ-АТ-2 және ЭЛОУ-АВТ-3 технологиялық қондырғыларының құбырларына ультрадыбыстық датчиктер орнатылды. Құбырлардың сыртына монтаждалған құрылғылар толқынжолды және электромагниттік-акустикалық әдістер арқылы әр 12 сағат сайын құбыр қабырғасының қалыңдығын анықтайды.

Металдың жай-күйі туралы деректер серверде өңделеді. Алынған ақпарат негізінде жабдықтың механикалық тұтастығын қамтамасыз ету бөлімінің мамандары құбырдың қолданылу және шектік қалыңдыққа жету мерзімдерін анықтайды.

Ультрадыбыстық датчиктерді орнату АМӨЗ-ге құбырларға қызмет көрсету мен ауыстыру жұмыстарын жоспарлы түрде емес, ағымдағы жағдайына сәйкес жүргізуге мүмкіндік береді. Сондай-ақ үздіксіз бақылау мен болжамдаудың нәтижесінде жабдықтардың жөндеуаралық кезеңін ұзартуға да болады. Аталған жоба кәсіпорындағы өндірістік қауіпсіздік стандарттарын көтеріп қана қоймай, басқа мұнай өңдеу зауыттары үшін жаңа эталон орнатты.

Еще больше новостей на нашем telegram-канале , подписывайся и будь в курсе!

К списку статей Следующая статья