Главная Новости Ардагер тілегі – ел мен жердің амандығы, бірлігі мен берекесі
Компания тынысы09 мамыр 2021, 11:13 445

Ардагер тілегі – ел мен жердің амандығы, бірлігі мен берекесі

Ардагер тілегі – ел мен жердің амандығы, бірлігі мен берекесі

«Ембімұнайгаз» АҚ жас мамандары Компания ұжымы атынан Ұлы Отан соғысының ардагері Ажар Оразғалиеваның үйіне барып, Ұлы Жеңістің 76 жылдығымен құттықтады. Сондай-ақ, ақшалай қолдау көрсетті.

Жауынгер-ардагер қазір Ақтөбе қаласында тұрады.

Ажар Оразғалиева – Атырау өңірінен өздері сұранып соғысқа аттанған 17 қыздың бірі. 18 жасар өрімдей қыз әуедегі жау самолеттерін жоюға арналған «Зенит» артиллериясының зеңбірек нысанашысы болып, әуе шабуылдарына тойтарыс беруге қатысқан. Зенитпен атқылап, фашистердің ұшақтарын құлатқан уақыттары да жадында мәңгі сақталған. Кеңес әскеріне зымыранмен атқылап, жол ашып отырған Ажар Оразғалиеваның тобы Курск доғасындағы қан майданнан Берлинге дейін жетті.

Ел басына күн туған шақта қолындағы кестесін сұр қаруға айырбастаған Ажар әже батыр атағын алу үшін емес, Отанды қорғау үшін ажалға қасқайып қарсы тұрды. Жанталаса жауды ығыстыра отырып, Жеңіс күнін жақындата түсірді.

Ауыр жараланғаннан кейін де жауынгер майдан даласын тастап кеткен жоқ. Ес жинап, бойын тіктеген соң қайта соғысқа араласты. Румынияға барып, 1945 жылы Берлинге бағыт алды. Сол жерде Жеңіс туының тігілгенін көріп, қуаныш мерекесін тойлады.

Елге аман-есен оралған соң, «Доссормұнайгаз» МГӨБ-не есепші болып жұмысқа орналасты. Кейін отбасы жағдайына байланысты Сағыз поселкесіне көшіп, ОРС мекемесіне дүкенші жетекшісі болып қызмет етеді. Ал, 1974 жылы зейнеткерлікке шыққан.

Майданда ерліктің ерен үлгісін көрсетіп, бүгінде 99 жасқа қараған Ажар әжейдің ендігі тілегі – ел мен жердің амандығы, бірлігі мен берекесі.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: