24 мамыр 2023, 10:22 1303

Астанада Mining Congress Qazaqstan халықаралық тау-кен конгресінің жұмысы басталды

Елордаға тәжірибе алмасу, түйткілді мәселелерді талқылау, инновациялық энергия тиімді әзірлемелерін бөлісу және жалпы тау-кен өндіру саласын одан әрі дамытудың негізгі векторларын айқындау үшін 200-ден астам сала лидері, мемлекеттік органдар, ғылым және коммерциялық емес сектор өкілдері келді.

«Тау-Кен Самұрық» ұлттық тау-кен компаниясы шара қатысушыларына геологиялық барлау және өндіру жобалары бойынша ықтимал әріптестік перспективасын таныстырды. Маркетинг жөніндегі менеджер Дәулет Әлиасқаров өз баяндамасында компанияның ағымдағы жобалары туралы айтып, «Тау-Кен Самұрық» серіктестер мен инвесторларға өзара іс-қимылдың бірнеше механизмін ұсынатынын атап өтті.

Конгрестің бірінші күніндегі ой-талқының нәтижесі тез өзгеретін жағдайда саланың тұрақты дамуы үшін нарыққа ірі қатысушылардың күш-жігерін біріктіру қажет деген пікір болды.