Астанада үздік дефектоскопистер анықталды

«ҚазМұнайГаз» ҰК АҚ қолдауымен «ҚР үздік дефектоскописі» республикалық байқауы өтті.

Жұмысшы мамандықтар жылы аясында ұйымдастырылған конкурс өндірістік нысандардағы қауіпсіздік пен сенімділік деңгейін арттыруға, мамандардың кәсіби деңгейін көтеруге, жас мамандар тартуға және мұнай-газ саласы өкілдері арасында тәжірибе алмасуға бағытталған.

Байқауға еліміздің түкпір-түкпірінен 300-ден астам маман қатысты. Жарыс екі кезеңнен тұрды:

• теориялық (бұзбай бақылау әдістері мен білім стандарттарын тестілеу);
• тәжірибелік (заманауи жабдықтармен жұмыс және орын алған ақауларды талдау). 

Финалға 64 қатысушы өтті, олардың ішінде ҚМГ еншілес ұйымдарының 17 қызметкері бар: «Маңғыстаумұнайгаз» АҚ, «Өзенмұнайгаз» АҚ, «Қаражанбасмұнай» АҚ, «Атырау мұнай өңдеу зауыты» ЖШС, «ҚазТрансОйл» АҚ және «ПетроҚазақстан Ойл Продактс» ЖШС.

Финалистер аккредитацияланған оқу орталығында біліктілікті арттыруды жалғастыруға және бұзбай бақылау саласында сертификаттаудан өтуге мүмкіндік алды. Іс-шара қатысушылардың кәсіби жоғары деңгейін көрсетіп қана қоймай, сонымен қатар дефектоскопист мамандығын танымал етуге және салаға жас мамандарды тартуға ықпал етті.