Астық тасымалы: жеткілікті резерв бар

Айтуынша,  Орталық Азия елдеріне 1,6 млн тонна тасымалданып, бұл өткен жылмен салыстырғанда 35%-ға артқан. Оазис, Болашақ және Сарыағаш сияқты негізгі өткізу пункттерінің тасымалдау үшін жеткілікті резервтері бар. Ақтау порты арқылы Иранға 356 мың тонна тасымалданған, бұл өткен жылмен салыстырғанда 25 есе көп. Оң тенденцияларға қарамастан Қытай бағытындағы тасымалдардың біршама төмендегені байқалады. Оған Қытай тарапындағы тексеру алаңдарының шамадан тыс жүктелуі, сондай-ақ сапаны қосымша тексеруге байланысты қазақстандық астықты қабылдау бойынша шектеулер себеп болуда екен.

«Қытай кеден органдарымен проблемаларды шешу үшін көлік, ауыл шаруашылығы, қаржы министрліктеріне, сондай-ақ Мемлекеттік кірістер және мемлекеттік инспекция комитеттеріне, «Атамекен» ҰКП және басқа да мүдделі ұйымдарға өтініштер жолданды. Жалпы, 3 жыл ішінде ҚХР-ға астық тасымалының 5 есе өскенін атап өткен жөн. Қытай тарапынан астық жүктерін түсіру бойынша барлық инфрақұрылым белгілі бір шекте жұмыс істейді және Қазақстан тарапынан үлкен көлемге есептелмеген», – деп атап өтті Ғани Есенбаев.

Процесті оңтайландыру үшін ҚТЖ жолаушылар және жүк пойыздарының үздіксіз қозғалысын қамтамасыз ете отырып, астық тасымалдаушылардың жүктемесін белсенді реттейді. Астық қарқынды жөнелтілетін өңірлер бойынша компанияның орталық аппаратында арнайы астық топтары, яғни штаб жұмыс істейді, олар күн сайын тасымалдау жағдайын бақылайды.

Логистиканы жақсарту және тасымалдау тиімділігін арттыру мақсатында «ҚТЖ-Жүк тасымалы» ЖШС локомотивтер паркі айтарлықтай жаңартылды. 2024 жылы 183 локомотив сатып алынды, күзгі кезеңде Есіл, Тобыл, Құсмұрын және Қостанай сияқты негізгі станцияларда маневрлік локомотивтер саны қосымша ұлғайтылды. Үздіксіз жұмысты қамтамасыз ету үшін Қостанай өңіріне еліміздің басқа өңірлерінен қосымша локомотивтер көшірілген. Жалпы, «ҚТЖ-Жүк тасымалы» ЖШС-де 1635 локомотив бар.  

Қараша айында Ресейге және Балтық елдеріне экспорттау үшін Ресейден 1000-нан астам астық тасымалдаушылар тартылып, олар астықты порттарға және көрші елдердің нарықтарына тасымалдау үшін белсенді пайдаланылды. Астық тасымалдаушыларға сұраныстағы маусымдық ауытқулар мәселесін шешу үшін жыл бойы вагондар паркін ұтымды пайдалануға бағытталған кешенді шараларды әзірлеу ұсынылады. Бұл үдерісте мемлекеттік органдар, ҚТЖ, жүк жөнелтушілер және салалық қауымдастықтар маңызды рөл атқарады.

ҚТЖ өкілі экспорттық жеткізілімдердің өсуін және астық тасымалына сұраныстың маусымдық ауытқуын ескере отырып, компания техникалық мүмкіндіктері мен астық тасымалының логистикасын жетілдіріп, инфрақұрылымын дамытуды жалғастыратынын жеткізді.  

Райхан Рахметова

Дереккөз: "Қазақстан теміржолшысы"