Атырау мұнай өңдеу зауыты эмиссияларды мониторингілеудің автоматтандырылған жүйесін іске қосты

Экологиялық бақылау құралдары пештер мен қазандықтардан шығатын түтін газдарындағы күкірт ангриді, күйе, азот оксидтері, көміртегі оксидінің шығарындыларын нақты уақыт режимінде бақылауға мүмкіндік береді.  Деректер 20 минут сайын «Қоршаған орта мен табиғи ресурстардың жай-күйі туралы ұлттық деректер банкі» ақпараттық жүйесі арқылы бақылаушы органдарға жіберіледі.

Автоматтандырылған мониторинг жүйесін орнату шығарынды көрсеткіштерін қадағалап қана қоймай, қажет болған жағдайда технологиялық көрсеткіштерді жақсарту үшін қондырғылардың жұмысын реттеуге мүмкіндік береді.

Айта кетсек, зауытта 21 технологиялық қондырғы бар, соның тек төртеуі ғана ауаға шығарындылардың негізгі көзі болып саналады және «Өндірістік экологиялық бақылау жүргізу кезінде қоршаған ортаға эмиссиялар мониторингінің автоматтандырылған жүйесін жүргізу қағидаларына» жатады (ҚР Экология, геология және табиғи ресурстар министрлігінің 22.06.2021 ж. №208 бұйрығы). Аталмыш қағидаларға сай автоматтандырылған мониторинг жүйесі атмосфераға жылына 500 және одан да көп тонна шығарынды бөлетін орындарда орнатылуы тиіс.

Атырау мұнай өңдеу зауыты қоршаған ортаға шығарындыларды азайту жөніндегі жұмысын жалғастыруда. Бұл мақсатта кәсіпорында энергия және ресурс үнемдеу, сондай-ақ 2031 жылға дейін есептелген атмосфералық ауаға шығарындыларды азайту бойынша нысаналы көрсеткіштері бар іс-шаралар жоспары әзірленді.