Атырауда мұнай-газ саласына арналған оқу-өндірістік полигонының іргетасы қаланды

«Ембімұнайгаз» АҚ (ҚМГ еншілес компаниясы) қолдауымен іске асырылып жатқан бұл жоба студенттер үшін озық технологияларды қолдана отырып, өндіріс алаңында біліктілігін арттырып, кәсіби тұрғыда шыңдалуға жол ашады.

Компания жергілікті университетке қолдау көрсетіп қана қоймай, еліміздің мұнай-газ саласы үшін білікті мамандар даярлау арқылы өңірдің кадрлық әлеуетін дамытуға ынталы.

Оқу-өндірістік полигон өндірістік үрдістерді жер қойнауын барлаудан бастап мұнай өнімдерін өңдеуге дейін толық циклді қамтиды. Онда практикалық дағдыларды пысықтауға арналған заманауи зертханалар, оқу алаңдары мен қондырғылар, сондай-ақ студенттерге болашақ кәсібінің қыр-сырын үйренуге мүмкіндік беретін инновациялық шешімдерді сынауға арналған арнайы аймақтар ұйымдастырылады.