Атыраулық теміржолшылар Жайық жағасын бекітуге қатысты

Атырау жүк тасымалы бөлімшесінің қызметкерлері мен Азаматтық қорғаныс және төтенше жағдай құрылымдары айға жуық уақыт Жайық жағасын топырақ толтырылған қапшықтармен бекіту жұмыстарын атқарды. Соған сәйкес жуырда Азаматтық қорғаудың төтенше жағдайдағы, яғни далалық жағдайдағы (в полевых условиях) оқу-жаттығуы өтті.  

Іс-шара «Бекініс бекіту кезінде Қызылбалық ауылы тұрғындарының қауіпсіздік қағидаларын білмегеннен жарақат алуы» тақырыбы бойынша өтіп, оған облыстық төтенше жағдайлар департаментінің медициналық апаттар орталығы дәрігерлері мен Атырау жүк тасымалы бөлімшесі қызметкерлері және ауыл тұрғындары да қатысты.  

Апаттар медицинасы Атырау филиалы 3-бригада дәрігері Бердигулова Фариза, Фельдшерлер – Досқалиева Дана, Набидуллаев Еламан және жүргізуші-құтқарушы Нажетов Айдарбек қауіпсіздік шараларын орындамағаннан қолын ауыртып жарақат алған адамға алғашқы медициналық көмек көрсетті. Оның жарасын таңып, қан қысымын өлшеп, екпе салды. Жарақат алушы емханаға барудан бас тартты. «Далалық жағдайда мұндай жағдайлар, яғни жарақат алу кезедесетіні рас. Сондықтан да осындай шара өткіздік. Бұл әрі қауіпсіздік, әрі жұмысшыларға методикалық көмек деп есептейміз», – дейді Азаматтық қорғаныс және төтенше жағдайлар бөлімінің инженері Нұрлан Сұлтанғалиев.

Қосұйым Мұқашев

Дереккөз: "Қазақстан теміржолшысы"