Айтып келмейтін апатқа тыңғылықты дайындық қажет

«Маңғыстаумұнайгаз» АҚ бас кеңсесінде «ҚазМұнайГаз» ҰК» АҚ табиғи және техногендік сипаттағы төтенше жағдайларды жою жөніндегі іс-қимыл жоспарын әзірлеу бойынша ауқымды семинар өтті. Семинарға «ҚазМұнайГаз» ҰК» АҚ-на қарасты еншілес компаниялардың өкілдері қатысты.

Аталған шараны «ҚазМұнайГаз» ҰК» АҚ еңбекті және қоршаған ортаны қорғау департаменті өндірістік қауіпсіздік басқармасының бастығы Айса Өтепов ашып, семинарға қатысушыларға бүгінгі таңдағы азаматтық қорғаныс және төтенше жағдай мәселесінің өзектілігін түсіндірді.

Төтенше жағдайдың туындау ықтималын азайтуға, сондай-ақ қызметкерлердің өмірі мен денсаулығын сақтауға, материалдық шығындардың мөлшерін азайтуға бағытталған іс-шаралар жыл сайын жеке құжат түрінде әзірленеді. Аталған іс-шаралар жоспарында тізбесі, болжамды көлемі, мерзімдері және ТЖ туындауының алдын алу немесе азайту бойынша оларға жауапты тұлғалар бекітіледі.

Семинар барысында ТЖ жағдай кезіндегі іс-қимылдарды әзірлікте ұстау, авариялардың, апаттардың және дүлей зілзалалардың алдын алуға бағытталған ұйымдастырушылық және инженерлік-техникалық мәселелері талқыланып, іс-қимыл жоспарына біршама өзгерістердің енгізілетіні нақтыланды.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS