Бағдат Мусин: Aitu.Cloud шетелдік провайдерлерге тәуелділікті азайтады

Бұл шешімдер сенімді және жергілікті технологияларды ұсыну арқылы біздегі компанияларға IT шығынын қысқартып, шетелдік провайдерлерге тәуелділікті азайтуға мүмкіндік береді.

Aitu.Cloud сервистерінің әрқайсысы нақты тапсырмаларды шешуге бағытталған:

• Kubernetes as a Service контейнерленген қолданбаларды басқаруды жеңілдетеді және оларды жылдам орналастыруға мүмкіндік береді. Бұл әсіресе икемді және ауқымды жобалар үшін пайдалы.
• Compute Cloud ауқымды ресурстарды қажет ететін тапсырмалар мен үлкен деректерді талдауға сәйкес келетін жоғары өнімді есептеу қуатын ұсынады.
• S3 Object Storag — масштабтау мүмкіндігі бар үлкен көлемдегі деректерге арналған сенімді сақтау орны. Оның көмегімен компаниялар кез келген уақытта қол жетімді қауіпсіз деректер мұрағатын жасай алады.
• Database as a Service жеке шешімдерді іздеу және бизнестің негізгі міндеттеріне назар аудару қажеттілігін азайту арқылы дерекқорды басқаруды жеңілдетуге көмектеседі.

Бұл қызметтердің барлығы ismet.kz платформасында қол жетімді, олардың әрқайсысын икемді түрде қосуға және конфигурациялауға болады. Біз мұндай шешімдерге сұраныстың артып жатқанын көріп отырмыз және қазақстандық компанияларға өсу мен дамудың жаңа құралдарын ұсынуға қуаныштымыз.