БАҚ өкілдері Қазатомөнеркәсіптің «Заречное» кеніші жұмысымен танысты

Ұлттық компания мен «ЗАРЕЧНОЕ» БК» АҚ өкілдері журналистерге өндірістік нысандарды көрсетіп, ресми түсініктемелер берді. Олар кәсіпорындағы уран шикізаты өндірісінің барлық қалдықтары түріне қарай бөлінетінін және ережеге сәйкес арнайы бөлінген алаңдарда немесе жинақтағыштарда уақытша орналастырылатынын, бұл қоршаған ортаға ықтимал әсерді барынша азайтатынын егжей-тегжейлі айтып берді. Бұрғылау және жөндеу-қалпына келтіру жұмыстарын жүргізу үшін қажетті барлық зумпфтар мен шұңқырлар соңынан босатылады және тазартылады.

Техникалық ақаулыққа байланысты күкірт қышқылының төгілуі сияқты оқиғалар болған жағдайда, төгілген сұйықтықты оқшаулау және жинау арқылы ластанған учаскенің одан әрі таралуына жол бермеу және шектеу бойынша жедел шаралар қабылданады. Қышқылданған топырақ бейтараптандырылып, зертханалық тексеру жүргізілгеннен кейін экологияға қауіп төндірместен орнына қайтарылады.

«Өз қызметінің ашықтығы мен есептілігін қамтамасыз ететін кәсіпорын қауіпсіздік пен қоршаған ортаны қорғаудың жоғары стандарттарын сақтай отырып, уран өндіреді. Заңнама талаптарына сәйкес, кен орнындағы жұмыстар аяқталғаннан кейін учаске мемлекетке бастапқы түрінде қайтарылады, оны арнайы комиссия растайды. Бұдан басқа, заңнаманың талабы бойынша Қазатомөнеркәсіп кәсіпорындарында тарату қорлары құрылған, онда жұмыстар аяқталғаннан кейін аумақты қалпына келтіру және толық қалпына келтіру үшін қаржы қаражаты жинақталады», - деп атап өтті «Қазатомөнеркәсіп» ҰАК» АҚ өндірістік қауіпсіздік департаментінің директоры Манас Ысқақов.

Сондай-ақ журналистерге уақытша сақтаудың арнайы жабық алаңында жиналып сақталатын төмен радиоактивті қалдықтарды жіктеу рәсімі көрсетілді. Жинақталғаннан кейін олар жерлеу үшін компанияның аймағынан алыс орналасқан көму орындарына жіберіледі. Бейтараптандырудан өтетін қышқылданған топырақты уақытша орналастыру үшін кәсіпорында жеке алаң да қарастырылған.

«ЗАРЕЧНОЕ» БК» АҚ - Отырар ауданындағы жергілікті тұрғындарды жұмыс орындарымен қамтамасыз етіп отырған және жер қойнауын пайдалануға арналған келісімшартқа сәйкес өңірдің негізгі салық төлеушісі болып табылатын жалғыз өндірістік кәсіпорын екенін атап өту маңызды. Компания халықтың өмір сүру сапасын жақсартуға және өңірдің әлеуметтік-инфрақұрылымдық дамуын қолдауға бағытталған көптеген бастамаларды іске асыруда. Сонымен қатар, қоршаған ортаны қорғау мәселелеріне ерекше назар аударылады: өндірістік учаскелерде экологиялық бақылау, өндірістік және тұтыну қалдықтарын басқару, биоәртүрлілікті сақтау және табиғатқа теріс әсерді азайту бойынша іс-шараларды тұрақты түрде өткізіледі.