Балтық елдерінде ТХКБ бойынша жүк тасымалын арттыру мәселелері талқыланды

Делегация Латвияның Көлік министрі К.Бришкенспен екіжақты кездесу өткізді, Рига еркін портының қызметімен, сондай-ақ «Rail Baltica» объектісінің құрылысы бойынша жүргізіліп жатқан жұмыстармен танысты.

Сондай-ақ, Рига қаласында көлік бойынша ынтымақтастық туралы Бизнес-форум өтті, оның барысында «KTZ Express» АҚ Бас директорының коммерция жөніндегі орынбасары Оразов Улугбек қатысушыларды ТХКБ шеңберінде «KTZ Express» АҚ-ның ағымдағы көлік-логистикалық мүмкіндіктерімен Балтық елдерінің инфрақұрылымдық қуаттарын іске қосумен таныстырды.

Сонымен қатар, Эстонияның Климат министрі К.Михалмен іскерлік кездесу, Эстониядағы ең ірі Мууга теңіз сауда порты мен BLRT кеме жасау компаниясының өндірістік қызметімен танысу өткізілді.  

Литваға іскерлік сапар аясында Литваның Көлік министрі М.Скуодиспен екіжақты кездесу өткізілді, сондай-ақ делегация «Avia Solution Group» ұшқыштарын даярлау барысымен және Еуропадағы ең ірі логистикалық компаниялардың бірі – Girteka-ның өндірістік қызметімен танысты.

Балтық жағалауы елдеріне жұмыс сапары шеңберінде жүргізілген келіссөздер Балтық жағалауындағы инфрақұрылымдық жобаларды бірлесіп іске асыруға Балтық жағалауы елдері инвесторларының ынтымақтастығын және әлеуетті қатысуын нығайту жолымен ТХКБ өткізу қабілетін арттыруға мүмкіндік береді.