Басқарманың жұмыс сапары кестеге сәйкес жалғасып жатыр

Мердігер компания өкілдері ҚБМ Бас директорының бірінші орынбасары Қуанышбай Нұрғалиевке зауыт алаңындағы жұмыс барысы туралы баяндады. Қазір құрылыс жұмыстары белгіленген жоспардан артта қалып келеді. Атап айтқанда, жабдықтың бір бөлігін жеткізу, сондай-ақ инвестор тарапынан жұмысшылардың келуін ұйымдастыру кешіктірілуде. ҚБМ басшылығы жоспарлы кестені сақтай отырып, құрылыс жұмыстарын жеделдетуді тапсырды.

Бұдан соң басшылық, өндірістік басқарма директорының орынбасары және цех басшыларының қатысуымен жиналыс өткізіліп, ағымдағы өндірістік мәселелерді талқылады. Оған қоса, «ҚазМұнайГаз»ҰК» АҚ-ның ҚБМ жұмысшыларының 1 желтоқсандағы өтінішіне берген жауабы түсіндірілді. ҚМГ басшысы Алик Айдарбаевтың ҚБМ жергілікті кәсіподақтар төрағалары Айтбай Кужухов пен Қуаныш Сисенбаевпен кездесуі барысында аталмыш мәселенің талқыланғаны айтылды.

Кездесу қорытындысы бойынша мұнай өндірудің жылдық жоспарын орындау үшін жұмыс қарқынын арттыру қажеттігі атап өтілді. Басқарма цех басшыларын 2022 жылға жақсы нәтижемен қадам басу үшін үздіксіз жұмыс жүргізіп, бақылауға шақырды.