Главная Новости Байқаңыз, пойыз басып кетуі мүмкін
Компания тынысы18 шілде 15:55 171

Байқаңыз, пойыз басып кетуі мүмкін

Байқаңыз, пойыз басып кетуі мүмкін

2019 жылдың 6 айында жол үстіндегі малды немесе адамды басып кетпеуі үшін локомотив бригадалары 2200 рет жедел тежегішті басқан. Бұл өткен жылдың сәйкес кезеңімен салыстырғанда 13% жоғары.

Ағымдағы жылдың басынан теміржолшылар тұрғындармен 2 мыңнан аса алдын алу әңгімелесулерін өткізген. Теміржол маңында өзін ұстау ережелері туралы ақпаратты 22 мыңнан артық адам тыңдаған. "Алайда ахуал көңіл көншітпей тұр" дейді "ҚТЖ-Жүк тасымалы" компаниясының мамандары.

Ағымдағы жылдың бірінші жартысында "ҚТЖ" ҰК" АҚ аумақтық көлік бақылау органдары, полиция мен көліктік прокуратура өкілдерін шақыра отырып, алдын алу іс-шаралары шеңберінде 100 аса үйлестіру кеңесінің отырысын ұйымдастырған. Ірі теміржол вокзалдары ғимараттарында жолдан өту ережелері жөніндегі бейнероликтер көрсетілуде екен. Дауысзорайтқыштар арқылы келген және өтіп бара жатқан пойыздар туралы ақпараттар жариялануда.

Теміржолмен жапсарлас телімдер мен станция аумақтары адамдардың жолдың үстіне шығып кетпеуі үшін құрылғылармен қоршалған. Осылайша, 290 шақырымнан астам магистральдық жол қоршалған. Соңғы жылдары теміржол бойына малдардың шығып кетпеуі үшін 2400 шақырым сым қоршау орнатылып, жөнделгені 6644 шақырым болып отыр. Толықтай алғанда, жыл сайын 300 шақырымнан астам шарбақ тұрғызылуда. Барлығы малдың жолға шығып кетпеуі үшін 6890 шақырымнан астам шарбақ бар екендігі хабарлануда.

Жол жүргенде көру қиындаған жағдайда (тұман, жауын және өзге де), қозғалыс қауіпсіздігін қамтамасыз ету үшін пойыз машинистері, елдімекендерге жақындаған кезде ескерту дабылдарын береді және пойыз жылдамдығын төмендетеді.

"Теміржолды тек тиісті және жарақтандырылған орындардан ғана, онда да рұқсат дабылы берілген кезде немесе жақындаған пойыздың жоқтығына көз жеткізген кезде ғана кесіп өтуге болады", - дейді сала сарапшылары.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: