Байланыс құрылғыларын күтіп ұстау – қауіпсіздік кепілі

Күнделікті ағымдық күтімге дейін бірнеше рет арнайы құрылғылармен белгілі мамандар тарапынан тексеріліп, технологиялық талап деңгейіне келтіру – олардың күнделікті атқаратын жұмысы.

Міне, бүгін де инженер Жанболат Досжановтың басшылығымен Талғат Асанов, Жаслан Нұржаубаев, Сержан Әбдаменов, Ербосын Сұлтанов, электромонтер Толқынбек Жалғасбаев электрлі жетек күтімін жасап, тетіктерінің толық жұмыс жасап тұрғандығына көз жеткізуде. Олар электрлі жетек қозғалтқышының қуат кернеуінің 220 вольт болуын, жетектің бағыттамалық бұрманы ашып-жапқан кезде кідіріссіз жұмыс жасауын, жұмыс кезінде қуат күшінің жоғалмауын бірнеше мәрте диспетчерлермен рация арқылы хабарласып, тексеруден өткізді. Жетек бекітпелері, монтаж желілері, жетектің қорғаныш қақпағы, изоляциялық қорғаныш төсемелерінің беріктігі тағы бір мәрте бақылаудан өткізілді. Тексеріс барысында электрлі жетектің толық жұмыс жасап тұрғандығына көз жекізілген соң келесі нысанға өтті.

«Байланыс құрылғыларының қалыпты жұмыс жасауы ағымдық және күнделікті күтім жұмыстарының нәтижесіне байланысты. Бүгін станциялық жолдың солтүстік алқымындағы электрлі жетектің қалыпты жұмыс жасауын тексерістен өткіздік, жетек толық жұмыс жасап тұр», – деді инженер Жанболат Досжанов.

Сабырхан Сейілбекұлы

Дереккөз: Қазақстан теміржолшысы