02 шілде 2021, 08:47 1888

Бір аптада 8 мың теміржолшы екпе алды

Күн өткен сайын жаппай екпе алудың арқасында «ҚТЖ» ҰК» АҚ ұжымы covid-19-ға қарсы неғұрлым мықты жалпы иммунитетке ие болуда. 2021 жылғы 1 шілдедегі мәлімет бойынша компанияның 58 мыңға жуық қызметкері егілді. Бұл ретте вакциналанғандардың жалпы саны 51,9% құрады. Тек соңғы аптада 8 000 астам теміржолшы егілді.

Атай кету керек, темір жолда вакцинация бойынша тұрақты түсіндіру жұмыстары жүргізілгені маңызды. Бүкіл ел бойынша магистраль қызметкерлері «Сovid-19-ға қарсы вакцина» тақырыбында дәрігерлермен болатын онлайн-кездесулерге қатысады. Әдетте, вакцинация өндірістен қол үзбей, депо мен станцияларда жұмыс істейтін медициналық кабинеттер негізінде жүргізіледі.

Бұл ретте қызметкерлерді егу алдында әрдайым терапевт дәрігер тексеру жүргізеді және вакцина алу мүмкіндігін анықтайды.

Өңірлер бойынша алдыңғы бестікте Көкшетау, Қызылорда, Тараз, Шымкент және Іле темір жол учаскелері тұр.