Биылғы он ай ішінде Алтай мен Алатау танкерлері 2,5 млн тоннадан астам мұнай тасымалдады

«Қазақтеңізкөлікфлоты» ҰТКҚК» ЖШС флотының флагмандары болып саналатын Aframax үлгісіндегі «Алтай» және «Алатау» мұнай құю танкерлері Қазақстан мұнайының әлем нарықтарына тұрақты жеткізілуін қамтамасыз етеді. 2

025 жылдың он айының қорытындысы бойынша «Алтай» танкері 1 млн 295 мың тоннадан аса мұнай тасымалдап, өткен жылдың осындай кезеңдегі көрсеткіштен (1 млн 184 мың тонна) асып түсті.

Өз кезегінде, «Алатау» кемесі де 2024 жылдағы 1 млн 222 мың тоннамен салыстырғанда өсім көрсетті — 1 млн 283 мың тоннадан астам.

2011 жылы пайдалануға берілген сәттен бастап екі танкер 100 млн тоннадан аса мұнай тасымалдады. Осылайша, ҚМГ-ның еншілес кәсіпорны — ҚТКФ ұлттық теңіз тасымалдаушысы еліміздің халықаралық нарықтарға сенімді жеткізуші ретіндегі рөлін нығайтуға елеулі үлес қосып келеді.