«Богатырь Көмір» ЖШС еңбекақыны 7,9%-ға өсірді

Кәсіпорын ұжымы көмір шығару бойынша жылдық жоспарды асыра орындап, тұтынушыларға 43 млн тоннадан аса қатты отын жібере алды. Сонымен бірге нақты себептерге байланысты аршу жұмыстарында 2 млн тоннаға жуық артта қалушылық болды.

Компания циклдік-ағындық өндіріс технологиясына көшу жобасын іске асырудың белсенді кезеңінде тұр. Өткен жылы жоба бойынша инвестиция сомасы 51 млрд теңгені құрады. Одан басқа, инвестициялық қызмет көрсету 11,4 млрд теңгені құрады.

Барлық факторлардың жиынтығы бойынша, компания акционерлері "Богатырь Көмір" жұмыскерлеріне өткен жылдың қорытындысы бойынша еңбек ақыдан 100% мөлшерінде сыйлықақы төлеу туралы шешім қабылдады, берілген сыйлықақы ағымдағы жылдың ақпан айында төленеді. Одан басқа, кәсіпорын қызметкерлеріне 2021 жылдың 1 қаңтарынан еңбек ақыны 7,9%-ға өсіру туралы шешім қабылданды.