Болашақ мұнайшыларға бағдар

Дәріс барысында мұнай кен орындарының негізгі объектілерін автоматтандыру мен цифрландыру қадамдары түсіндірілді. Сондай-ақ ұңғыманы тиімді пайдалану әдістері, қабат сұйықтықтарының қасиеттері мен мұнай игеру кезіндегі өндірістік процестер туралы айтылды.

«Бүгінгі студент – ертеңгі маман. Сондықтан олар өз саласының қыр-сырын жетік меңгеріп, теорияда да, тәжірибеде де мықты болуы шарт. Болашақ мұнайшылардың мамандығына деген қызығушылығы жоғары. Біз де оларға көрген-білгенімізді үйретіп, бағдар беріп жүргенімізге қуаныштымыз», – деді Айдын Қожаш.

Айта кетейік, ҚБМ болашақ өндіріс мамандарының теория мен тәжірибені тең меңгеруіне зор мүмкіндік – тәжірибеге бағытталған оқыту жобасын сәтті жалғастырып келеді. Қазір аталмыш университет пен Түпқараған ауданындағы гуманитарлық-техникалық колледжінің студенттері Қаражанбас кен орнында тәжірибеден өтіп жатыр. Сондай-ақ компанияның жас мамандары вахтааралық демалыс кезінде университет студенттеріне дәріс оқиды.