«Даналық бейсенбі»

Белгілі бір салада жоғары табыстарға қол жеткізгендер шақырылатын бұл шараның осы жолғы қонағы «Ембімұнайгаз» АҚ-ның Корпоративтік қауіпсіздік қызметінің аға маманы Исатай Теміров болды.

​MMA және Pankration Қазақстан чемпионы, кәсіби спортшы Исатай Теміров мектеп оқушыларымен болған кездесуде өзінің табысқа жету жолдарымен бөлісті. Спорт саласында белгілі бір биіктерге жету жолындағы пайдалы кеңестерін ортаға салды. Канадалық, грузиндік, тәжік, ресейлік, ураиндықтармен сайыста кездескен Исатай халықаралық үлкен спорттарды 10 жеңіспен, 3 жеңіліспен, 1 рет тепе-теңдік аяқтаған. Ал, оқушылар болса өздерін қызықтырған сауалдарын қойып, оған тұшымды жауаптарын да алды.

​Кездесу барысында спорт саласында өздерінің алғашқы қадамдарын жасап, әр деңгейдегі жеңістерге қол жеткізіп үлгерген жас спортшылар марапатталды.