Дарынды балаларға қолдау

Жобаның мақсаты - түрлі шығармашылық жобалар, сайыстар мен олимпиадалар, ғылыми конференциялар, спорттық шараларға барып келу үшін қажетті жол шығындарын өтеу болып табылады.

2016 жылдан бері қолға алынған бұл бастаманың арқасында осы күнге дейін 96 бала осындай гранттарға ие болды және олардың ішінде 60 бала жүлделі болып қайтты. Біздің елдің атынан шығармашыл балалар Ресей, Франция, Беларусь, Польша, Әзірбайжан, Қытай, АҚШ, Біріккен Араб Әмірліктері, Тунис және т.б. елдерде өткен сайыстарда бақ сынады.

Негізі грант алу процедурасы қиын емес. Қабылданған ережеге сәйкес, үміткердің атынан Samruk-Kazyna Trust қорына тиісті өтінім жолданады. Оны іс-шараның өтуіне 20 күннен бұрын берген жөн. Іссапарға қатысты құжаттарды арнайы құрылған комиссия қарайды. Барлық мәліметтерді саралау, шешім шығарып грантты рәсімдеу жұмыстары 10 күнен аспайды.

Грант 18 жасқа дейінгі балаларға бір жыл ішінде бір іс-шараға қатысу үшін беріледі. Комиссияның шешімі бойынша үміткермен қоса жүретін адамның да жол шығындары төленуі мүмкін. Басқа шығындарға қаражат бөлінбейді.

Барлық талаптармен осы сілтеме бойынша танысуға болады.