Digital Forum: Қазпошта IT-экожүйені тиімді дамытуды қолдайды

Форум барысында «Әйелдердің әлеуметтік-экономикалық жағдайын жақсарту үшін цифрландыру» тақырыбында дөңгелек үстел өтті. Онда озық технологияларды пайдалана отырып, әлеуметтік-экономикалық жағдайды жақсартуда әйелдер көшбасшылығы өз әлеуетін қалай белсенді пайдаланатындығы талқыланды. Іс-шара спикерлері қатарында – Әсел Жанасова, Әзиза Шөжеева, Пипа Мальмгрем, Мария Доценко, Әсем Кенжебек, Гүлмира Қорғанбаева, Светлана Жақыпова, Ляззат Рамазанова және Әсет Тұрысов болды.

Осыған орай, цифрлық экономикада әйелдерге жаңа мүмкіндіктер ұсыну мақсатында, Almaty Digital Forum аясында «Қазпошта» АҚ мен «TechnoWomen» коммерциялық емес мекемесі арасында ынтымақтастық туралы меморандумға қол қойылды.

Ынтымақтастықтың негізгі бағыттары – цифрлық экономика мен электрондық коммерцияны дамыту және нығайту, білім беру бағдарламалары мен әлеуметтік жобаларды іске асыру, заңнамалық бастамаларды әзірлеу және ілгерілету.