Доссорда тағы бір маңызды әлеуметтік нысан ел игілігіне берілді

Тарихы терең, мұнай өндірісінің бастауында тұрған киелі мекенде бой көтерген бұл орталық – рухани жаңғырудың жарқын көрінісі. Мұнда 30 мыңға жуық кітап пен 4,5 мыңнан астам құнды жәдігер жинақталған. Сонымен қатар, кітапханада зағип жандарға арналған Брайль қарпіндегі кітаптардың болуы – инклюзивті қоғам қалыптастырудағы маңызды қадам.

Жаңа мәдени ошақ жастарға білім мен шабыт сыйлап, ауыл тұрғындарының бас қосатын рухани орталығына айналмақ.

Жоба «Самұрық-Қазына» қорының қолдауымен жүзеге асырылып, өңірдің мәдени дамуына елеулі үлес қосты. Жалпы, Атырау облысында 11 млрд теңгеден астам қаржыға 34 жоба іске асырылған.

Бұл кітапхана-мұражай ұрпақтар сабақтастығын жалғап, ел руханиятының дамуына қызмет етері хақ.