Компанияның «Мұнайшы қыз» клубының ұйымдастыруымен өткен «Екі жұлдыз» ән байқауында өндірістің түрлі саласында еңбек етіп жүрген ембіліктер мен кәсіби әншілер бір сахнада бас қосып, көрерменге әсерлі өнер кешін сыйлады.

Ерекше жоба өндірістегі қызметімен қатар өнерді серік еткен талантты қызметкерлерді танытуға, олардың шығармашылық мүмкіндіктерін ашуға бағытталды. Байқау барысында қатысушылар кәсіби орындаушылармен тандем құрып, көпшілікке өздерінің вокалдық қабілеті мен сахна мәдениетін паш етті.

Кеште жаңа есімдер танылып, табиғи талант пен шығармашылық үйлесім жарасымды көрініс тапты. Әсем ән мен шынайы эмоцияға толы орындаулар көрерменнің ыстық ықыласына бөленді.

Мерекелік кештің ерекше атмосферасы, әріптестердің қолдауы мен көтеріңкі көңіл күйі «Екі жұлдыз» жобасының басты ерекшелігіне айналды. Өндіріс пен өнерді тоғыстырған бұл байқау Мұнайшылар күніне арналған мерекелік бағдарламаның шымылдығын түріп, ембіліктердің шығармашылық әлеуетін тағы бір қырынан танытты.