06 қаңтар 2023, 08:25 1881

Екібастұз 1-МАЭС 2022 жылды рекордпен аяқтады

«Болат Нұржанов атындағы Екібастұз 1-МАЭС» ЖШС 2022 жылды электр энергиясын өндірудің рекордтық көрсеткішімен аяқтады.

2022 жылғы жұмыс қорытындысы бойынша Екібастұз 1-МАЭС-те өндірілген электр энергиясының көлемі – 23,05 млрд кВтсағат. Жоспарланған өндіріс көлемі - 22 млрд кВтсағат. болса, көрсеткіш 105%-ға орындалды. Бұл станция жұмысының барлық уақытындағы рекордтық көрсеткіші болып табылады.

Жоспарлы тапсырманы орындау жедел қызметкерлер құрамының нақты және үйлесімді жұмысының, жыл сайынғы жөндеу науқанын тиімді жүргізудің және станцияның қуатын қалпына келтіру және жабдықтарын жаңғырту жөніндегі инвестициялық бағдарламаны дәйекті іске асырудың арқасында қол жеткізілді.