Главная Новости Екібастұз МАЭС-1 өз ардагерлерін ұмытпайды
Біздің адамдар02 қазан 2019, 15:36 982

Екібастұз МАЭС-1 өз ардагерлерін ұмытпайды

Екібастұз МАЭС-1 өз ардагерлерін ұмытпайды

Екібастұз МАЭС-1 аға буын өкілдерін Еңбек күні жинады. Шарада еңбек ардагерлері мен жас мамандардың кездесуі өтіп, кезіндегі бүкілодақтық құрылыс куәгерлері тарихтан сыр шертті. 

Кәсіпорынға 22 ардагер қонаққа келді деп хабарлайды "Екібастұз МАЭС-1" ЖШС баспасөз қызметі. Мекеменің бас директоры Мәди Әбішев зейнеткерлерді өзі бас болып қарсы алып, өте жылы қол алысып, барлығымен сәлемдесіп болғаннан кейін оларды мәжіліс залына апарып, сол жерде жоспарланған кездесу өткен.

Ардагерлер жас мамандарды қызықтыратын сұрақтарға жауап беріп, өздерінің естеліктерімен бөлісіп, станцияның дамуындағы маңызды кезеңдер туралы айтқан. Мәселен, Виктор Семенов 1980 жылы Екібастұз МАЭС-1 алғашқы энергоблогының іске қосылуы жайлы оқиғаны өте қызықты қылып әңгімелеген.

Қазақстанда дәстүр бойынша қыркүйек айының соңғы жексенбісі күні аталып өтетін "Еңбек күні" мерекесінде МАЭС-1-дің басшылығы мен кәсіподақ ұйымы, міне, екінші жыл қатарынан кәсіпорын ардагерлерін станцияға шақырып, жас мамандармен жиған-терген тәжірибелерімен бөлісу үшін қонақ қылып келеді. Бұл дәстүр өз жалғасын тауып келе жатқан себептің бірі - адагерлер шынымен де қазіргі жас инженерлерге өте қызық болып табылатын орасан зор тәжірибелерімен бөлісетіндігі болар. Ал еңбек ардагерлері үшін өздерінің жұмыс істеген кабинеттеріне, цехтарына қайта оралуы және еңбек төккен кәсіпорындарының жетістіктері жайлы білуі, осы нәтижелерге қол жеткізуде бір кездері олардың да қосқан үлестері бар екендігін сезінуі, әлбетте, қуантарлық жайт. 

Негізгі баяндамалардан кейін барлық ардагерге естелік сыйлықтар табыс етіліп, оларға станцияның өндірістік алаңдарына саяхат жасалған.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: