Главная Новости Екпе тек ерікті түрде ғана жасалады
Маңызды Компания тынысы07 маусым 2021, 10:11 255

Екпе тек ерікті түрде ғана жасалады

Екпе тек ерікті түрде ғана жасалады

Әлеуметтік желілерде «ҚазМұнайГаз» ұлттық компаниясына қарасты кәсіпорындардың қызметкерлерін вакцина алуға міндеттеу және қызметкерлердің еңбек ету құқықтарын шектейтін шаралар қабылданғаны туралы жалған ақпарат тарауына байланысты компания вакциналау мемлекеттік науқанның аясында ерікте түрде жүзеге асырылатынын хабарлады.

«Ұлттық компания жауапты жұмыс беруші ретінде мемлекеттің халықты вакцинациялау бойынша жүргізіп жатқан жұмысын толықтай қолдайтынын атап өткен жөн. Себебі біз қызметкерлеріміздің амандығы мен денсаулығын сақтау мәселесіне ерекше назар аударамыз», - делінген компанияның баспасөз қызметі таратқан хабарламада.

«ҚазМұнайГаз» компаниясында вакцинациялау мемлекеттік науқанның аясында ерікте түрде жүзеге асырылуда. Ол үшін барлық жағдай жасалған. Әрбір азамат отандық QazVac, ресейлік Спутник-V немесе қытайлық Hayat-Vax вакцинасын таңдай алады. Екпені тұрғылықты жері бойынша емханаларда немесе «ҚазМұнайГаздың» өндірістік және әкімшілік нысандарында алуға болады. Бүгінгі таңда вакцинаны ұлттық компанияның мыңдаған қызметкерлері, оның ішінде басқарма төрағасы мен оның орынбасарлары салдырып үлгерді.

Әлеуметтік желілерде тарап жатқан ақпарат ішкі қызметтік хат алмасудың бір бөлігі болып табылады. Онда қауіпті індеттің алдын алу мақсатында қызметкерлерді вакцина алуға ынталандыру бойынша түрлі ұсыныстар жинақталған болатын. Қазіргі уақытта жауапты құрылымдық бөлімшелер осы және басқа да ынтыландыру шараларын жан-жақты қарастырып жатыр.

Айталық, қазіргі кезде екі компоненттің әрқайсысын алған барлық қызметкерлерге ақылы екі демалыс күні беріледі. Вакцина алған күні және одан кейінгі күні. Сонымен қатар, екпе алған қызметкерлер кен орындар мен кеңселерге ПТР-тестін тапсырмай кедергісіз кіре алады.

«ҚазМұнайГаз» өз тарапынан санитарлық талаптар мен еңбек заңнамасын сақтай отырып, өндірістің үздіксіздігін қамтамасыз етуге бағытталған шаралар қабылдауды жалғастырады.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: