«Ел экономикасының локомотиві». Жас маман мұнай-газ саласы туралы

Компаниядағы жас мамандардың белсенділігін арттыру мақсатында 2013 жылы «Ембімұнайгаз» АҚ барлық өндірістік басқармаларында «Жас мамандар» кеңесі құрылып, жас мамандардың басын біріктіретін, тәжірибе алмасуға мүмкіндік беретін үлкен алаңға айналды.

«Қайнармұнайгаз» МГӨБ Кенбай мұнай-газ өндіру цехінің 2-дәрежелі геологы осындай жас мамандардың бірі. Ол өз жетістігінің нәтижесі – егемендіктің нақты көрінісі деп біледі:

«Мен Алматы қаласындағы ҚанышСәтпаев атындағы Қазақ политехникалық институтын тәмамдап, 2012 жылы «Жылыоймұнайгаз» мұнай-газ өндіру басқармасына жұмысқа орналастым. Келесі жылы «Қайнармұнайгаз» МГӨБ-на ауыстым.

Осы жылдар аралығында теориялық және тәжірибелік деңгейде білімімді көтеріп, кәсіби білікті маман болуға мүмкіндік алдым.

Осы жетістіктің нәтижесі – егемендіктің нақты көрінісі. Себебі, тәуелсіздік алғаннан кейін ғана мұнайшының ауыр еңбегіне көзқарас өзгеріп, отандық мұнай-газ саласы қарқынды дами бастады. Содан бері, мұнай-газ саласы еліміздің экономикасының локомотиві саналып келеді.

Мен тәуелсіздікпен қатар дамыған компанияда еңбек ететінімді мақтан тұтамын».