Главная Новости Елдос Өмірзақұлы: Қор үшін әлеуметтік тұрақтылық маңызды
Маңызды Компания тынысы20 шілде 2021, 11:00 492

Елдос Өмірзақұлы: Қор үшін әлеуметтік тұрақтылық маңызды

Елдос Өмірзақұлы: Қор үшін әлеуметтік тұрақтылық маңызды

Atameken Business арнасының «Басты тақырып» бағдарламасында «Самұрық-Қазына» ҰӘҚ» АҚ жанындағы Әлеуметтік өзара ықпалдастық және коммуникация орталығының бас директоры Елдос Өмірзақұлы қонақ болып, Қорға қарасты компанияларда әлеуметтік тұрақтылықты сақтау мен ішкі коммуникацияны реттеу тетіктері туралы әңгімеледі.

Қазіргі таңда «Самұрық-Қазына» компаниялар тобында 265 мыңнан астам адам қызмет етеді. Оның басым бөлігі, дәлірек айтқанда, 243 мыңнан астамы – өндірістік жұмысшылар болса, әкімшілік басқару қызметкерлерінің саны – 22 мыңнан астам. Әлеуметтік өзара ықпалдастық және коммуникация орталығының бас директоры Елдос Өмірзақұлының айтуынша, орталықтың басты мақсаты – 158-ге жуық компанияның басын біріктіретін ірі құрылымда әлеуметтік ахуалға ұдайы зерттеу жүргізе отырып, тұрақтылықты қамтамасыз ету. Орталық осы мақсаттағы жұмыстарды 2013 жылдан бері сәтті жүргізіп келеді. Басты қағидалардың бірі – зерттеу сауалнамасына қатысатын респондент жұмысшылардың жеке мәліметтері мен берген жауаптарының құпия сақталатыны.

«Біздің орталықта «Самұрық-Қазына» Қорына қарасты барлық компания қызметкерлерінің деректері бар. Бұл мәліметтер жыл сайын жаңартылып отырады. 8 жылда зерттеу жұмысын қалыпты да тұрақты жүргізіп жатқанымыз – осынша ауқымды мәлімет қорын құпия ұстай білетінімізді көрсетеді», – деп атап өтті орталық басшысы.

Елдос Өмірзақұлы сұхбат барысында, сондай-ақ, әлеуметтік тұрақтылық индекстері, зерттеу әдістемелері, қызметкерлердің өтініштері мен арыз-шағымдарын тәулігіне 24 сағат қабылдауға арналған «Жедел желі» мен «Нысана» байланыс орталығының жұмысы туралы баяндады.

Сұхбаттың толық нұсқасымен төмендегі видео арқылы таныса аласыздар:

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: