Елеулі еңбек үшін жарияланған алғыс

«Қаражанбасмұнай» АҚ орталық кеңсесінің бірқатар қызметкері елеулі еңбегі мен компанияның әлеуметтік-қоғамдық өміріне белсенді қатысқаны үшін «ҚБМ жұмысшыларының жергілікті кәсіподағы» ҚБ-нің марапатына ие болды. 20-ға жуық өндіріс озаты мен үлгілі еңбек еткен жұмысшыларға алғыс хаттар мен медальдар табыс етілді.

«Салалық Кәсіподаққа сіңірген еңбегі үшін» медаліне ие болғандардың бірі – ҚБМ бас механигі Қайрат Жаманғариев. Ол Қаражанбастағы еңбек жолын осыдан 25 жыл бұрын мұнай дайындау және айдау цехында слесарь болып бастаған. Содан бері ҚБМ-ға адал еңбек етіп, жас буынға мамандықтың қыр-сырын үйретіп келеді.

«Біз талай жетістіктер мен қиын кезеңдерді еңсере отырып, кен орнымен бірге өстік. Қаражанбас - біздің ортақ үйіміз. Алдағы уақытта да жүктелген міндеттерді орындау үшін бар күш-жігерімізді саламыз, оң нәтижені еселей түсеміз. Еңбегімізді жоғары бағалағаны үшін алғысым шексіз», – дейді Қайрат Жаманғариев.

Марапаттау барысында салаға еңбек сіңірген мұнайшылардың әлеуметтік-экономикалық дамуға қосқан зор үлесі, олардың әлеуметтік әріптестік пен ұжымдық шарт қатынастарын нығайтуға, сондай-ақ өндірісті дамытуға қосқан сүбелі үлесі атап өтілді.

Еще больше новостей на нашем telegram-канале , подписывайся и будь в курсе!

К списку статей

АРХИВ ЖУРНАЛОВ SKNEWS