Ембі балаларына арналған ерекше сый

«Дәл осы мерекеге орай, мұнайшылардың балаларын қабылдау, бүлдіршіндерге жақсы көңіл-күй сыйлау – біздің Компанияда қалыптасқан дәстүрлі шара. Ата-аналарың балаларының болашағы үшін еңбек етіп жатыр. Білімді адамның қолынан бәрі де келеді. Осы залда болашақ мұнайшы, кәсіпкер, дәрігер, мұғалім тағы да басқа мамандық иелерінің отырғанына мен сенімдімін» деген Компания басшысы балаларға қызықты жазғы демалыс тіледі.

Бас кеңседегі салтанатты жиыннан соң кішкентай қонақтар кинозалға аттанды. Әсерлі көрсетілімнен соң, мерекелік шара ойын-сауық алаңында жалғасты.