Главная Новости Ембілік мұнайшы – «Еңбек елшісі»
10 наурыз 2021, 11:41 1144

Ембілік мұнайшы – «Еңбек елшісі»

Ембілік мұнайшы – «Еңбек елшісі»

«Жайықмұнайгаз» МГӨБ өндірістік-техникалық бөлім бастығының орынбасары Шарапиден Сәкен Шарапиденұлы – республикалық «30 Еңбек Елшісі» жобасының жеңімпаздары қатарында.

Байқауға қатысуға 196 өтінім келіп түскенімен, оның 152-сі эксперттік комиссия отырысында қарастырылды. 44 өтінім жоба критерийлеріне сәйкес болмай шықты. Нәтижесінде эксперттік комиссия әр түрлі саладан 30 жеңімпазды анықтады. Соның ішінде ембілік мұнайшы Атырау облысынан қатысушылар арасында топ жарған жалғыз жас маман болды.

Аталған байқау ел тәуелсіздігінің 30 жылдығына орай Қазақстан Республикасының кәсіподақтары федерациясының ұйымдастыруымен өтті. Оның мақсаты дарынды жастарды кәсіподақ қызметіне тартуға, еңбек құндылығын насихаттауға және жастардың өзін-өзі танытуы үшін тиімді әлеуметтік лифт жасауға бағытталған.

«Мен бұл байқау туралы естігеннен кейін жастарға арналған тың жоба екендігін түсініп, қатысуға шешім қабылдадым. Өзім еңбек ететін «Ембімұнайгаз» АҚ-да қызметкерлердің құқықтарына баса мән беріледі. Сонымен қатар, жас мамандардың жан-жақты дамуына компания басшылығы тарапынан қолдау зор. Сондықтан, өзімнің тәжірибеммен бөлісіп, ұсыныстарымды бердім. Егемен еліміздің болашағы жас мамандардың қолында. Сондықтан, оындай жобалар жастарға алға ұмтылуға тың серпін берері сөзсіз», – дейді әріптесіміз Сәкен Шарапиден.

«30 Еңбек елшісі» жобасына 18-35 жасқа дейінгі кәсіподақ мүшелері қатысты. Өтінімдерді қабылдау 2021 жылғы 10-26 ақпан аралығында kasipodaq.kz сайтында жарияланған критерийлерге сәйкес жүзеге асырылды.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: