Главная Новости «Ембімұнайэнерго» басқармасында Наурыз мерекесі қалай өтті?
17 наурыз 2023, 10:00 1361

«Ембімұнайэнерго» басқармасында Наурыз мерекесі қалай өтті?

«Ембімұнайэнерго» басқармасында Наурыз мерекесі қалай өтті?

Жыл басы әз Наурызды ұлттық нақышта, бар сән-салтанатымен атап өтетін ембіліктердің дәстүрлі жиыны бүгін «Ембімұнайэнерго» басқармасында жалғасты.

«Ембімұнайгаз» АҚ Бас директорының өндіріс жөніндегі орынбасары Қанатбек Қасымғалиев сала ардагерлері мен қызметкерлерді құттықтап, ізгі тілегін жеткізді. Ел дамуы жолында еселі еңбек етіп жүрген энергетика саласы мамандарының қызметі әркез маңызды екенін атап, жыл басы Наурыздың жақсылықтарға толы болуына тілектестік білдірді.

Өндірісті өркендетудегі табысты еңбегімен үлгі болған бір топ жұмысшылар «Ембімұнайгаз» АҚ Құрмет грамотасымен, компания директорының Алғыс хатымен марапатталды.

Салтанатты жиын барысында ескі салт-дәстүрлер мен ұлттық ұстанымдарды жаңғыртар танымдық сайыс ұйымдастырылды. Қатысушылар «Тоқымқағар қандай салт?» «Жеңсік ас саналатын, өте құнарлы тағам қалай аталады?» «Қымызмұрындық дегеніміз не?» деген секілді сауалдарға жауап ұсынып, жеіңмпаздарға сый табысталды.

Дәстүрді дәріптеген үлгілі шаралар қатарында әже, аналар арасында ұршық иіруден өткен сайыстың да қызықты әрі жас ұрпақ үшін аса тағылымды болғанын айрықша атаған жөн. Ұлттық нақыштағы киімдерімен жиын сәнін кіргізгендерге де арнайы сыйақы табысталды.

Ән шырқалып, бимен көмкерілген шара көптің көңілінен шықты.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: