Еңбегін еліне арнаған мұнайшы

Өндірістегі мәртебелі мамандығын өмірінің өзегіне айналдырған Қаражанбас жұмысшылары - қызметке адалдық танытып, ел сенімін арқалаған ерен еңбек иелері. Солардың қатарында қазыналы түбектің жер асты байлығын игеріп, саланың қарыштап дамуына үлес қосып келе жатқан Есет Озғанбаев та бар. Бүгін біз сіздерді №1 мұнай өндіру цехы операторының өнегелі еңбек жолымен таныстырамыз.

Кейіпкеріміз Қаражанбаста 27 жылдан бері табан аудармай еңбек етіп келеді. Жылдар бойы жинаған білімі мен тәжірибесі арқасында ол өз ісінің хас шеберіне айналды. Есет Озғанбаев ұңғымалардың үздіксіз жұмысын қадағалап, істен шыққан бөлшектерді ауыстыру, өндірілген сұйықтық көлемі туралы мәліметтерді тіркеу сияқты маңызды жұмыстарға жауапты.

«Біз Қаражанбаста еңбек ете жүріп, кен орнымен бірге дамып келеміз. Жылдар өткен сайын өндірісте оң өзгерістер байқалып, жұмысымыз алға басуда. Бір шаңырақ астына ісіне адал жұмысшыларды жинаған компаниямыздың болашағы жарқын екеніне кәміл сенемін»,- дейді ол.

Есет еңбек ұжымына да сыйлы маман. Әріптестері оның кәсібилігінен бөлек, адами қасиеттерін ерекше құрметтейтінін айтады. Қаражанбас ісі мен сөзі жұптасқан осындай өндіріс озаттарымен қуатты.

"Қаражанбасмұнай" АҚ баспасөз қызметі

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS