Еңбек кітапшасында үш-ақ жазба бар маман

– Мен Ақтөбе облысының тумасымын. Анам орталық қойманың меңгерушісі болып жұмыс істеді. Күн сайын кешке анам өзімен бірге көптеген құжаттар, журналдар алып келіп, түнде жұмыс істейтін.  Маған ата-анамның шоттарды  оңай қағатыны өте ұнайтын.  Бір күні әкеме мені шотпен санауды  үйретуге өтініш жасадым. Қосу және азайтуды бірден игеріп алдым, ал көбейту мен  бөлу біршама қиынға соқты.

Жетінші сыныпта анам мені шақырып алып, біреуі толтырылған, екіншісі бос екі журналды көрсетіп, тапсырма берді: «Өткен есептің қалдықтарын жаңа журналға көшіріп жазшы». Мен толықтай көшіріп жаздым да, шотқа салып есептеп, қорытынды соманы шығардым. Өткен айдың есебіндегі таныс сандарды көргенімде қатты қуандым. Менің бухгалтерлік есепті жүргізумен танысуым осылай басталды.

Ал есейе келе тоғызыншы сыныпта анама көмектесіп, кірістер мен шығыстардыесептей отырып, барлық қоймалар бойынша есеп берулерді жасайтын болдым. Мектеп бітірген соң мен үшін мамандық таңдау мәселесі шешілген болатын. Мен бухгалтер болғым келетінінанық білдім.

ЗАПКАЗСХИ (Батыс Қазақстан ауыл шаруашылық институты) бітіргеннен кейін қолымызға диплом берілмеді. Бөлінген бағыт бойынша үш жыл жұмыс істеуіміз керек болды. Бағыт бойынша 1984 жылдың 22 ақпанында Толыбай совхозында бас бухгалтердің орынбасары қызметіне тағайындалдым. Үш ай бойы теорияны практикамен үйлестіре отырып, үлкен жауапкершілікпен, барлық кештер мен демалыс күндерімді жұмыста өткіздім, әр участокты тиянақты қарап, таныстым.  Үш айдан кейін бас бухгалтердің  сынағынан өткеннен кейін ғана, маған бас кітапқа  өткізулерді енгізуге мүмкіндік берді, бұл өте қызықты кезең болды.

Үш жылдан кейін 1987 жылы  наурыз айында жұмыстан шығып, Талдықорған қаласына көшіп келдім. Бірден Талдықорған электр желілері кәсіпорнында материалдық бөлімнің бухгалтері болып жұмысқа орналастым. Тамыз айында бас бухгалтердің орынбасары болдым. Осы лауазымда жұмыс істей жүріп, «Алматыэнерго» ЭЭӨБ есептермен жиі келетін едім. «Алматыэнерго»  ЭЭӨБ бас бухгалтерінің орынбасары  Е.И.Сосницкая менің күш-жігерімді, есеп мазмұнындағы білімімді, қойылған сұрақтарға жауаптарымды бағалады. Тұрмысқа шығып, Алматыға көшіп келгенімде, Екатерина Ивановна маған 1-ЖЭО-да жұмыс ұсынды. Мен 1988 жылдың 15 желтоқсанынан бастап сүйікті станциямда 33 жылдан бері  жұмыс істеймін.

Менің еңбек кітапшамда үш жазба, соның ішінде Алматы 1-ЖЭО бар. Таңдауымды саналы жасадым деп айтуыма болады. 1988 жылдың желтоқсанында 1-ЖЭО-да мені бухгалтер етіп қабылдады, ал 1989 жылдың қараша айында Татьяна Алексеевна Родичева маған декреттік демалыста болғаныма қарамастан, бас бухгалтердің орынбасары лауазымын ұсынды. Қазір уақыт өте келе мен маман ретінде танылғанымды, өмірдегі орнымның 1989 жылдың қарашасында анықтағанын түсінемін.

Еңбек ете бастаған алғашқы жылдарымда, жастықтың буымен осы жұмыста, ұжымда зейнет жасына дейін қаламын деп ойламаппын, Бірақ, менің бақытыма қарай, осылайболғанына қуанамын.

1-ЖЭО мен үшін басқа қызметкерлердегідей екінші үйім болды. Бұл, ең алдымен, ұйымшыл ұжым, бір-бірін құрметтейтін адамдар, жауапкершілік пен өзара түсіністік сезімі бар, мұнда кез-келген өндірістік және күнделікті мәселелерді шешуге болады. Бұл ұжымға сыйлы, сауатты, өз жұмысын жетік білетін және еңбегін сүйетін басшы – басқарушы директор Сырғабаев Исахан Ақтанұлы басшылық етеді.

Мен Екатерина Ивановна Сосцицкаяны, Татьяна Алексеевна Родичеваны, Антонина Петровна Лузанды үлкен ризашылықпен атап өткім келеді. Олар менің энергокомпаниядағы алғашқы тәлімгерлерім, олардың арқасында мен біздің мамандығымыздың барлық қыр-сырын оңай игердім.

Әрдайым жұмысқа келгенде, бірінші кезекте қарамағымдағы қызметкерлердің, оның ішінде бухгалтерлік есеп бөлімі ұжымының денсаулығы мен көңіл-күйіне мән беріп, қызығушылық танытамын. Содан кейін  ағымдағы жұмыс күнінің негізгі міндеттерін анықтаймын, басшылыққа есепке алу туралы қажетті ақпаратты беремін. Мен кәсіпорынның бухгалтерлік есебін анықтау және жүргізу бойынша жұмысты ұйымдастырамын.

Менің мамандығымда жұмысымыздың нәтижесі, яғни есепті кезең жабылған кезде дебеттік айналымдар мен несиелік айналымдар өзара теңгерім бергенде ерекше қуантады.

Мен үшін ең қызықтысы 2012 жылы «1С: Кәсіпорын 8». Қазақстан үшін өндірістік кәсіпорынды басқару» ААЖ енгізу және 2013 жылы «Сатып алуды басқару» және «Қорларды басқару» жүйелерін енгізу өте қызықты және танымды болды.                                 

Мен ешқашан өмірді түбегейлі өзгерткім келмейтін. Өмірім барлық қуаныштары мен қиыншылықтарымен қоса көңілімді қанағатандыратын. Аралық кезеңде тұрақтылық, құрмет, түсіністік және тану бар. Мен  өз біліктілігімді арттыруды тоқтатқан емеспін. Стандарттар мен заңнамадағы барлық өзгерістерді үнемі зерттеп отырамын.