21 қараша 2022, 16:25 935

Еңбекке адалдық – ердің ісі

Қаражанбастың пайдалану жабдықтарын икемдеп-жөндеу цехында өз ісінің кәсіби шеберлері еңбек етеді. Өндіріс алаңдарында олардың қызметі қашанда сұранысқа ие. Өйткені, істен шыққан құрылғыларды аз уақытта сапалы жөндеп, қатарға қосу – олар үшін жауапкершілігі мол абыройлы міндет.

Бекболат Көкеев өндірісте 30 жылдан астам уақыттан бері жұмыс істейді. Еңбек жолын мұнай өндіру цехында слесарь болып бастаған ол, бірнеше жылдан кейін қызметін ПЖИЖЦ-да жалғастырды. 5-дәрежелі слесарь-жөндеуші сораптар мен ұңғыма бөлшектерін қалыпқа келтірумен айналысады. Оған қоса бұрандалы жапқыштарды орнатуға жауапты. Сондай-ақ ұңғымаларға монтаж, демонтаж жасау әккі слесарьға әсте қиын емес.

«Қызметімнің күрделілігіне қарамастан, мен компанияның дамуына өз үлесімді қосып келе жатқаныма қуаныштымын. 30 жыл бұрын алғаш вахтаға келген кезде қажетті жабдықтар мен арнайы техника болған жоқ. Сондықтан қазіргі жағдайды бағалау қажет. Бәсекеге қабілетті болып, даму үшін бірлікте қызмет ету керек», – дейді өндіріс озаты.

Бекболат Көкеевтің вахтадағы жылдары жинаған тәжірибе арқасында жетістіктердің көп болғанын айтады. Ізбасар жас мамандар да аға буынның баға жетпес еңбегіне құрметпен қарайды.

Еще больше новостей на нашем telegram-канале , подписывайся и будь в курсе!

К списку статей Следующая статья