Энергетикке құрмет

Жылу электр орталығына осы жылдың басында Бірлік Оразбаевтың есімі берілген болатын. Көп жылдар бойы Бірлік Есіркепұлы республикалық ұйымдарда басшылық қызметтер атқарған: «Қазақстанэнерго» МЭК Президенті, «КЕГОК» АҚ вице-президенті, «ҚМГ-Энерго» АҚ Бас директорының орынбасары - «Самұрық-Энерго» АҚ Басқарма төрағасының орынбасары. 1997 жылдан 2000 жылға дейін Энергетика, индустрия және сауда министрлігінің вице-министрі, ал 2007 жылы Энергетика және минералдық ресурстар министрлігінің вице-министрі лауазымын атқарды. Содан кейін Бірлік Есіркепұлы екі жыл «Алматы электр станциялары» АҚ басқарды.

Ескерткіш тақтаның ашылу рәсімінде компанияның өндіріс жіне активтерді басқару жөніндегі басқарушы директоры Серік Тютебаев Бірлік Есіркепұлымен 2-ЖЭО-нда танысқанын еске алды.

«Ол ұжымның жарық жұлдызы болатын. Бізге, жастарға біздің әрбіріміз директор болуға лайық екенімізді айтып отыратын. Оның сөзінің рас екенін өмір көрсетті. Оның ақылын тыңдаған 12 жас жұмысшының бәрі кейін түрлі деңгейдегі директор атанды. Біздің «Оразбаевтың балапандары» атайтын, біз үшін бұл мақтаныш», - деп атап өтті ол.