11 желтоқсан 2024, 10:30 967

ЭЫДҰ «Самұрық-Қазынаның» сатып алу жүйесінің ашықтығы мен айқындығын ерекше атап өтті

Экономикалық ынтымақтастық және даму ұйымы (ЭЫДҰ) Қазақстанның сыбайлас жемқорлыққа қарсы заңнамасына мониторингтің бесінші раундын өткізді.

Мониторинг барысында Қордың және оның ірі портфельдік компанияларының сатып алу қызметі бақыланды. «Самұрық-Қазынаның» барлық сатып алу қызметі zakup.sk.kz веб-порталы арқылы электрондық түрде жүргізіледі.

Жоспарланған және жүргізіліп жатқан сатып алулар туралы ақпарат ашық жарияланады. Сонымен қатар, кез келген адам шағымдармен және олардың қаралу нәтижелерімен таныса алады. Қордың веб-порталы ҚР Бас прокуратурасының ақпараттық жүйелерімен және «Атамекен» ҰКП-ның «Бір терезе» жүйесімен, сондай-ақ, ҚМА және Сыбайлас жемқорлыққа қарсы іс-қимыл агенттігімен біріктірілген. Қадағалау органдары сатып алу порталына кіріп, оларды тексере алады.

Отандық тауар өндірушілерді қолдау мақсатында «Самұрық-Қазына» 15 шара енгізді. 2024 жылдың өткен кезеңінде 182,3 млрд теңгеге 298 офтейк-келісімшарт жасалған. Бұл өткен жылмен салыстырғанда 12 есе көп. Ал 2024 жылы қазанда ЕҚҚДБ басшысы ҚР президентімен кездесуде «Самұрық-Қазынаның» сатып алу рәсіміне оң бағасын берген еді.

Еще больше новостей на нашем telegram-канале , подписывайся и будь в курсе!

К списку статей Следующая статья