Fitch Ratings Қазатомөнеркәсіптің кредиттік рейтингін көтерді

Fitch-тің пікірінше, «BBB» рейтингі Компанияның жақсы несиелік қабілеттілігін, несиелік тәуекелдер бойынша болжамдардың төмендігін, қаржылық міндеттемелерді уақтылы өтеу қабілетін білдіреді. Қазатомөнеркәсіптің бағалауына әсер еткен негізгі факторлар левередждің төмен деңгейі, уран бағасының оң динамикасы, нарықтағы мықты орны, баламалы көлік бағыттарының болуы және болжамды жоғары дивидендтер болды.

Fitch компанияның 75% акцияларына иелік ететін «Самұрық-Қазына» АҚ атынан (үкіметпен байланысты компаниялар бойынша Fitch рейтингтік өлшемшартына сәйкес) Компанияның мемлекетпен шектеулі байланыста екеніне байланысты Қазатомөнеркәсіпті дербес негізде бағалады.

Бағалау кезінде сондай-ақ, Компанияның уран өндіру бойынша әлемдік көшбасшы ретіндегі тұрақты орны, жеткізу келісімшарттарының мықты портфелі және уран өнімінің негізгі тұтынушыларымен тұрақты ұзақ мерзімді қатынастары да ескерілді.