FlyArystan әуе паркіне «Дельфин» қосылды

7 жасар Қайыржанның хаты әуекомпания назарын өзіне аударды. Ол шоқжұлдыздар туралы FlyArystan ұшаққа атау беру сайысқа қатысқан тәтесінің арқасында білді. Кіші кезінен дельфиндерді көріп, олармен бірге жүзіп көруді армандаған бүлдіршін, «Дельфин» атты шоқжұлдыздың барын естігеннен кейін ерекше қуанышқа бөленді. Сол себепті жұлдыздар шоғырына аса назар аударатын әуекомпанияға дельфиннің суреті мен хат жіберу туралы оймен ол өз анасымен бірден бөлісті.  FlyArystan «кішкентай астрономның» ұсынысын қуана-қуана қабылдап, онымен танысуды жөн көрді. 

«Жұлдызды тақырыптың ересек саяхатшылар арасында шынайы қызығушылық тудырып қана қоймай, жас зерттеушілерді де өзіне баурап алғаны аса қуантады. Өз кезегімізде Қайыржанға осындай тамаша ұсынысы үшін алғысымызды білдіреміз, біз оның хатын назардан тыс қалдырмай, келесі лайнерімізге «Дельфин» шоқжұлдызының есімін беруді жөн көрдік. Биыл жазда «Дельфин» қазақстандық әуе кеңістігінде өзінің сапарын бастап, жолаушыларымызға одан да көп қолжетімді билеттерді береді. Қайыржан бұл лайнердің алғашқы жолаушыларының бірі болатыны сөзсіз», - деп қызықты оқиғамен бөлісті лоукостер басқарушы директоры Эдриан Хамильтон-Маннс мырза.

«Дельфин» атауына ие болған 180-орынды Airbus A320 ұшағы «Лео», «Бүркіт», «Орион» және «Апус» лайнерлерінен кейін шоқжұлдыз атауына ие болды. Airbus концерні Қазақстанның бюджеттік компаниясы үшін арнайы шығарған төрт лайнердің барлығы Франциядағы зауыттан тікелей ұшып келгенін айта кеткен жөн. Отандық лоукостер паркін кеңейтуді жалғастыруда және 2023 жылдың соңына дейін тағы 4 ұшақты алуды жоспарлап отыр. Ал бұл әуе компания жолаушыларына ішкі рейстерге де, халықаралық бағыттарға да бағдарлар желісін кеңейтумен қатар, одан да көп қолжетімді билеттерді ұсынуға мүмкіндік береді деген сөз. Ал осының бәрі қауіпсіз және жайлы саяхаттарлар кепілі. 

FlyArystan өз жолаушыларына танытқан белсенділік пен ұсыныстары үшін алғысын білдіреді және ұшақтардың атауы бойынша әлеуметтік желілердегі парақшаларында өткізілетін жаңа сайыстарға ат салысуды сұрайды.