FlyArystan алғаш рет Астанадан Ташкентке ұшты

Әуекомпанияның маркетинг және сату бөлімінің директоры – Мадина Бужинова айтқандай: “FlyArystan Астанадан тікелей рейстерді ашатын алғашқы қазақстандық лоукостер бола отырып, өз жолаушыларына Өзбекстан астанасына оңай саяхаттауды ұсынуға қуанышты. Жаңа бағыт саяхатшыларды қолжетімділік пен ыңғайлылықпен қамтамасыз етіп қана қоймай, тек туристік емес, медициналық туризмнің де шекарасын кеңейтетінін мақтан етеміз. Ташкент сапалы медициналық көмекке ұмтылатын қазақстандықтар үшін одан да тартымды болмақ, бұл біздің елдеріміз арасындағы рейстерге жоғары сұранысты тудырады. Енді Қазақстан астанасының тұрғындары, сонымен қатар Семей сияқты маңайлас қалалардың тұрғындары өзбек ағайындарға мәдени, ойын-сауық және сауықтыру мақсатында да сапарға шыға алады.

Осыған қосып айтқанда, FlyArystan Өзбекстан мен Қазақстан арасында Самарқанд-Алматы-Самарқанд маусымдық бағытын орындайды, қыркүйектен қазанға дейінгі рейстерге 21249 теңгеден бастап билеттер сатылуда. Әуекомпания жақын арада ұшу картасын екі елді байланыстыратын жаңа бағыттармен толықтыруды жоспарлап отыр”.

Қазақстан Республикасының азаматтарына Өзбекстанға кіру үшін виза талап етілмейтінін ескере отырсақ, Ташкент қазақстандықтар үшін саяхаттау, демалу, емделу және іскери  кездесулерді өткізу үшін көптеген мүмкіндіктерді ұсынатын тартымды орын болып табылады. Шығыс қаласы туристерге Өзбекстанның Чорсу базарының жарқын бояуларын тамашалауды, Хазрати Имам тарихи кешенін аралауды, заманауи мұражайларға баруды  және таң қалдыратын ұлттық тағамдардың дәмін көруді ұсынады.

Астанадан Ташкентке 28777 теңгеден басталатын билеттер қазан айының соңына дейінгі рейстерге  FlyArystan қосымшасында немесе flyarystan.com сайтында қолжетімді. Біржақты билет құнына борттағы кездейсоқ орын және салмағы 5 кг (56*23*36см) аспайтын 1 дана қолжүгі кіреді. Әуекомпания Өзбекстан астанасына өз есігін айқара ашқанына қуанышты және сапарды әлдеқайда тиімді ету үшін алдын ала жоспарлауға шақырады.

Жақында Парижде өткен 24-ші World Airline Awards салтанатында FlyArystan “Әуе Оскарына” қатысып, “Орталық Азия мен ТМД елдерінің үздік лоукостері” жоғары марапатын алған болатын.